“Ümumi dövlət və özəl tibb müəssisələri üzrə icra olunan əməliyyat və prosedurların sayı 2024-cü ilin ilk 10 ayı ilə müqayisədə 5% artaraq 571 449-a çatıb”.
Metbuat.az xəbər verir ki, bunu Gəncə şəhərində media nümayəndələri üçün təşkil edilən təlimdə İcbari Tibbi Sığorta üzrə Dövlət Agentliyinin Marketinq və İctimaiyyətlə Əlaqələr Departamentinin rəhbəri Aynurə Əhmədova deyib.
2024-cü ilin eyni dövründə bu rəqəm 542 516 təşkil edib.
Dövlət tibb müəssisələrində ən çox icra olunan əməliyyat növləri:
- Ginekologiya əməliyyatları
- Urologiya əməliyyatları
- Oftalmologiya əməliyyatları
Əməliyyatların ən çox icra olunduğu tibb müəssisələri:
- Sabunçu Tibb Mərkəzi
- Sumqayıt Tibb Mərkəzi
- Yeni Klinika
- Gəncə Birləşmiş Şəhər Xəstəxanası
- Mərkəzi Neftçilər Xəstəxanası
Tibbi müraciətlər və sığorta əhatəsi
Səhiyyə statistikası göstərir ki, tibb müəssisələrinə edilən müraciətlərin sayı da artıb:
Müraciət sayı: 2025-ci ilin ilk 10 ayında tibbi müraciətlərin sayı 20 879 657 təşkil edib ki, bu da 2024-cü illə müqayisədə 14% artım deməkdir.
Tibb işçilərinin sayı: Tibb işçilərinin sayında 12% artım qeydə alınıb.
İcbari Tibbi Sığorta: Təqdimatda bildirilib ki, əhalinin 50%-i artıq icbari tibbi sığortadan yararlanır.
