Bakı. Trend:
ABŞ Prezidenti Donald Tramp gələn həftə İsrailin Baş naziri
Benyamin Netanyahu ilə ABŞ-da görüşməyə hazır olduğunu
bildirib.
Bu barədə “Axios” portalı ABŞ liderinə istinadən məlumat
yayıb.
Məlumata görə, Tramp şənbə günü Axios-a müsahibəsində
Netanyahunun Ağ evdə görüş keçirilməsi xahişi ilə ona müraciət
etdiyini və görüşün Trampın NATO sammitindən qayıtmasından sonra,
artıq gələn həftə baş tuta biləcəyini deyib.
“Bizim münasibətlərimiz çox yaxşıdır”, – deyə Tramp İsrailin Baş
naziri haqqında deyib.
ABŞ Prezidenti həmçinin bildirib ki, ABŞ ilə İsrail arasındakı
münasibətlər kontekstində Netanyahu “burada əsas söz sahibinin kim
olduğunu bilir”.
Qeyd edək ki, NATO-nun Ankara sammiti iyulun 7-8-də
keçiriləcək.
