Avropa Voleybol Konfederasiyası azərbaycanlı hakimə etimad göstərib.
Bu barədə “Report”a Azərbaycan Voleybol Federasiyasından bildirilib.
Beynəlxalq dərəcəli hakim Eldar Zülfüqarov noyabrın 6-da Yunanıstanın paytaxtı Afinada keçiriləcək kişilər arasında Çempionlar Liqasının II təsnifat mərhələsinin matçını idarə edəcək.
O, “Melina Merkuri” arenada gerçəkləşəcək “Olimpiakos” (Yunanıstan) – “Quaquas” (İspaniya) qarşılaşmasının baş hakimi olacaq.
Matçın ikinci hakimi funksiyasını polşalı Aqneşka Miçlik yerinə yetirəcək.
Ən son xəbərləri bizim “WhatsApp” kanalımızda izləyin
