Fransa polisi Luvr muzeyində terror aktı planlaşdırmaqda şübhəli bilinən bir tunislini həbs edib.
Bu barədə “Le Monde” qəzeti Milli Terrorla Mübarizə Prokurorluğunun (PNAT) açıqlamasına istinadən məlumat yayıb.
Hadisənin 7 may tarixində baş verdiyi bildirilir. Müstəntiqlərin sözlərinə görə, 27 yaşlı sənədsiz immiqrant terror aktı planlaşdırıb.
İddiaya görə, o, Luvr və Parisin 16-cı rayonundakı yəhudi icmasına hücum planları səbəbilə həbs edilib.
