Bakı. Trend:
İnnovasiya və əməkdaşlıq olmadan dayanıqlı su idarəçiliyi mümkün
deyil. Davamlı suvarma, ağıllı idarəetmə və regional dialoqlar
artıq seçim deyil, zərurətdir.
Trend xəbər
verir ki, bunu kənd təsərrüfatı nazirinin müavini İlhamə Qədimova
Bakı İqlim Fəaliyyəti Həftəsində (BCAW2025) çıxışı zamanı
bildirib.
O qeyd edib ki, özəl sektor liderləri, fermer birlikləri və
müxtəlif tərəfdaşlar yeni imkanlar yaradır və iqlim
texnologiyalarının tətbiqi nəticəsində real dəyişiklik artıq baş
verməkdədir: “Kənd Təsərrüfatı Nazirliyi olaraq biz rəqəmsal təhsil
və süni intellekt sahəsindəki yeni təcrübələrimizlə fəxr edirik.
Əminik ki, Azərbaycanın kənd təsərrüfatında AI və rəqəmsal
alətlərin tətbiqi beynəlxalq səviyyədə nümunə olacaq və digər
ölkələrdə həmkarlarımız üçün ilham mənbəyi olacaq”.
“Bu gün göstərdi ki, dayanıqlılıq hər yerdə vacibdir — kənd
təsərrüfatında, su sistemlərində, nəqliyyatda, infrastrukturda və
icmalarda. Bunlar birlikdə Azərbaycanın və regionun davamlı və
inklüziv inkişafının tam həllini təşkil edir.
Bu çağırış, harmonik layihələr yaratmaqdır. Harmoniklik
əməkdaşlıq, sinergiya və sektorlar arasında birlikdə hərəkət etmək
deməkdir”, – deyə nazir müavini vurğulayıb.
