Bakı. Trend:
ABŞ Silahlı Qüvvələrinin Mərkəzi Komandanlığı (CENTCOM) İran
İslam İnqilabı Keşikçiləri Korpusunun (SEPAH) ABŞ-yə məxsus sualtı
pilotsuz aparatın Hörmüz boğazında ələ keçirilməsi ilə bağlı
bəyanatını təkzib edib.
Bu barədə CENTCOM-un nümayəndəsi, kapitan Tim Hokins Qətərin “Al
Jazeera” telekanalına bildirib.
“Biz hazırda fəaliyyət göstərən bütün pilotsuz aparatlarımız
üzərində etibarlı nəzarətə malikik”, – deyə o vurğulayıb və İran
tərəfinin iddialarını “açıq-aşkar ümidsizlik təzahürü”
adlandırıb.
