Bakı. Trend:
İran İsrailin mərkəzi bölgəsinə ballistik raketlərlə hücum
edib.
Trend bu barədə
“Times of Israel”ə istinadən xəbər verir.
Məlumata görə, kaset başlıqlı bəzi raketlər hava hücumlarından
müdafiə sisteminin hədəfindən yayınaraq Roş Haayin, Ramat Haşaron
qəsəbələrində və başqa ərazilərdə müəyyən dağıntılara səbəb
olub.
Eyni zamanda Eliyat şəhərində həyəcan təbilləri çalınıb. İsrail
Müdafiə Qüvvələri (IDF) Eliyata düşən kasetli raketin açıq sadəcə
parlatdığını bildirib.
Qeyd edək ki, fevralın 28-də ABŞ və İsrail İrana qarşı hərbi
əməliyyatlara başlayıb. Zərbələr ölkənin ən böyük şəhərlərinə, o
cümlədən Tehrana endirilib. Ağ Ev hücumu İslam Respublikasından
qaynaqlanan raket və nüvə təhdidləri ilə əsaslandırıb. İrana
endirilən zərbələr nəticəsində ölkənin ali rəhbəri ayətullah Əli
Xamenei və rəhbərliyin bəzi digər əsas fiqurları həlak olub. İranın
İnqilab Keşikçiləri Korpusu İsrailə qarşı genişmiqyaslı cavab
əməliyyatı həyata keçirdiyini bəyan edib. İran eyni zamanda
ballistik raketlər, qanadlı raketlər və pilotsuz uçuş aparatları
ilə ABŞ-nin Bəhreyn, İordaniya, İraq, Qətər, Küveyt, BƏƏ, Oman,
Səudiyyə Ərəbistanı və Suriyadakı obyektlərini hədəfə alır.
Münaqişə nəticəsində regionun enerji infrastrukturu və dəniz
nəqliyyatı da ciddi risk altına düşüb. Hörmüz boğazı ətrafında
təhlükəsizlik gərginliyi səbəbindən dünya bazarında neft qiymətləri
kəskin artıb. İran Hörmüz boğazına nəzarəti tam şəkildə özündə
saxlayaraq sadəcə lazım bildiyi gəmilərin boğazdan keçməsinə icazə
verir.
