Çinin paytaxtı Pekində keçirilən xüsusi robot yarışında diqqətçəkən hadisə baş verib.
Metbuat.az xəbər verir ki, “Humanoid Half Marathon” adlı yarışda insanabənzər robotlar 21 kilometr məsafədə sürət və dözümlülük üzrə güclərini sınayıblar.
Məlumata görə, yarışda iştirak edən humanoid robotlardan biri finiş xəttini çox yüksək nəticə ilə tamamlayaraq bu sahədə insan göstəricilərini geridə qoyub. Robotun qaçış zamanı həm balansını qoruması, həm də yol şəraitinə uyğun sürətli qərarlar verməsi diqqət çəkib.
Mühəndislər bildiriblər ki, robot qaçış zamanı relyefi və maneələri real vaxtda analiz edərək hərəkətini saniyənin mində biri səviyyəsində tənzimləyib və bu sayədə yıxılmadan yarışı başa vurub.
Qeyd edək ki, bu yarış süni intellekt və robot texnologiyalarının idman sahəsindəki inkişafını nümayiş etdirən ən maraqlı hadisələrdən biri kimi qiymətləndirilir.
