Lavrov BMT Baş Assambleyası çərçivəsində Suriya nümayəndə heyəti ilə görüş keçirir

Rusiyanın xarici işlər naziri Sergey Lavrov Nyu Yorkda BMT Baş Assambleyasının 80-ci sessiyası çərçivəsində Suriya nümayəndə heyətinin nümayəndələri ilə görüş keçirir.

“Report”un məlumatına görə, bu barədə Rusiya Xarici İşlər Nazirliyinin sözçüsü Mariya Zaxarova özünün teleqram kanalında məlumat verib.

“Rusiya nümayəndə heyətinin BMT Baş Assambleyasındakı ikinci günü Suriya nümayəndələri ilə görüşlə başladı”, – diplomat yazıb.

Görüşdə Suriyanın xarici işlər naziri Əsəd əş-Şibani də iştirak edir.

“Münasibətlərimizin hazırkı vəziyyətini müzakirə etmək vacibdir. Hadisələr çox sürətlə inkişaf edir”, – Lavrov görüşdən əvvəl deyib.