Bakı. Trend:
ABŞ və İranın tezliklə imzalaya biləcəyi memorandum atəşkəsin 60
gün uzadılmasını nəzərdə tutur.
Trend-in
məlumatına görə, bu barədə “Axios” portalı mənbəyə istinadən xəbər
verib.
Bundan əlavə, İranın bu 60 gün ərzində Hörmüz boğazından
gəmilərin tranzitini bərpa etməsi gözlənilir. ABŞ da öz növbəsində
bu müddət ərzində İrandan çıxan neft tankerlərini saxlamayacaq.
Plana əsasən, tərəflər əlavə 60 gündən ən ciddi fikir
ayrılıqlarının həlli yollarını tapmaq üçün istifadə edəcəklər.
Xüsusilə, onlar hələ də İranın nüvə məsələsinə ortaq bir yanaşma
tapmalıdırlar.
