Əsas (baza ali) tibb təhsili əsasında rezidenturaya qəbul imtahanının birinci mərhələsinin (baza fənləri üzrə biliklərin qiymətləndirilməsi imtahanının) ikinci cəhdində iştirak etmək üçün namizədlərin qeydiyyatı 4 iyul saat 23:59-dək davam edəcək.
Dövlət İmtahan Mərkəzindən verilən xəbərə görə, namizədlər DİM-in internet saytının müvafiq səhifəsinə (http://eservices.dim.gov.az/erizerez/erize/?frm=egov) daxil olmaqla qeydiyyatdan keçə bilərlər.
4 iyul saat 14:00-a olan məlumata əsasən, 926 namizəd (Azərbaycan bölməsi – 700; rus bölməsi – 226) imtahana yazılıb.
Məlumat üçün qeyd edək ki, baza fənləri üzrə biliklərin qiymətləndirilməsi imtahanının ikinci cəhdi iyulun 16-da, ixtisas fənləri üzrə biliklərin qiymətləndirilməsi imtahanı isə avqustun 13-də keçiriləcək.
www.RESMIXEBER.az
