Türkiyənin xarici işlər naziri Hakan Fidan və ABŞ dövlət katibi Antoni Blinken Londonda Azərbaycanla Ermənistan arasında münasibətlərin normallaşması məsələsini müzakirə ediblər.
Görüşdə eləcə də Ukraynadakı vəziyyət, NATO-nun genişlənməsi və ikitərəfli əlaqələr müzakirə mövzusu olub.
Xatırladaq ki, müzakirələr Ukraynanın yenidən qurulmasına dair ikigünlük beynəlxalq konfrans çərçivəsində baş tutub.
18:58
Ukraynanın bərpası üzrə konfransa qatılmaq üçün Londona səfər edən Türkiyənin xarici işlər naziri Hakan Fidan ABŞ dövlət katibi Antoni Blinkenlə ilk təkbətək görüşünü keçirib.
Məlumata görə, görüşdə Türkiyəyə F-16 qırıcılarının tədarükü, İsveçin NATO-ya üzvlük prosesi və regional məsələlər gündəmə gəlib.
Həmçinin, Ukrayna-Rusiya müharibəsi və Suriyadakı son vəziyyətlə yanaşı, ikitərəfli münasibətlər də müzakirə mövzusu olub.
Xatırladaq ki, Hakan Fidan və Antoni Blinken sonuncu dəfə iyunun 8-də telefonla danışıblar. Blinken Fidanı yeni vəzifəsi münasibətilə təbrik edib.
Mənbə: Haber Global
www.RESMIXEBER.az