Bakı. Trend:
Sakit okeanda, Tonqa ada dövlətinin cənubunda 5,9 bal gücündə
zəlzələ qeydə alınıb.
Trend-in
məlumatına görə, bu barədə Rusiya Elmlər Akademiyasının Vahid
Geofizika Xidməti məlumat yayıb.
Məlumata görə, zəlzələnin episentri Tonqanın paytaxtı Nukualofa
şəhərindən 282 kilometr cənub-qərbdə olub.
Episentrdəki təkanların intensivliyinə əsasən zəlzələ “güclü”
kimi qiymətləndirilir.
Tələfat və ya dağıntı barədə məlumat verilməyib.
