Bakı. Trend:
2025-ci ilin yekunlarına əsasən “Bank
Respublika” əsas maliyyə göstəriciləri üzrə rekord
nəticələr əldə edərək özünün dayanıqlı inkişaf modelini və yüksək
etibarlılıq səviyyəsini bir daha təsdiqləyib.
Hesabat dövründə Bank ötən illə müqayisədə əsas maliyyə
istiqamətləri üzrə artım təmin edərək Azərbaycanın bank xidmətləri
bazarındakı mövqelərini daha da möhkəmləndirib:
2025-ci il üzrə əsas maliyyə göstəriciləri:
- Aktivlər 25,2% artaraq 2,73 mlrd
manat təşkil edib; - Məcmu kapital 20% artaraq 266,67 mln
manat olub; - Kredit portfeli 12,4% artaraq 1,65
mlrd manat təşkil edib; - Xalis faiz gəlirləri 19,4% artaraq
169,73 mln manat olub; - Xalis əməliyyat mənfəəti 20,3% artaraq
82,29 mln manat səviyyəsinə çatıb; - Xalis mənfəət 19,8% artaraq 60,6 mln
manat təşkil edib. - Depozit portfeli 1,36 mlrd manata çatmışdır,
bu da ölkə bankları arasında ən yüksək göstəricilərdən
biridir.
Maliyyə dayanıqlılığı göstəriciləri:
- Birinci dərəcəli kapitalın adekvatlıq əmsalı (Tier
I) — 10,14% (norma —
6,5%); - Ümumi kapitalın adekvatlıq əmsalı —
14,6% (norma — 12,5%); - Leverec əmsalı — 6,71% (norma
— 5%). - Qeyri-işlək kreditlərin bankın ümumi kredit
portfelindəki payı – 0,90% təşkil edib, bu isə bank sektorunda ən
aşağı göstəricilərdən biridir.
2025-ci ildə “Bank Respublika”, həm bank, həm də ölkə
iqtisadiyyatı üçün prioritet sahə olan real sektorun
kreditləşməsini davam etdirmişdir. Bank, Avropa
Yenidənqurma və İnkişaf Bankı (EBRD) və Qara Dəniz
Ticarət və İnkişaf Bankı (BSTDB)) kimi nüfuzlu beynəlxalq
maliyyə institutları ilə kredit müqaviləsi bağlamışdır.
“2025-ci il Bank Respublika üçün ardıcıl inkişaf, strateji
qərarlar və institusional möhkəmlənmə ili oldu. İl ərzində atılan
addımlar bankın dayanıqlı inkişaf modelinə sadiqliyini, müasir
maliyyə həllərinə və müştəriyönümlü yanaşmaya verdiyi önəmi bir
daha təsdiqlədi. Əldə olunan nəticələr ölkənin davamlı və
hərtərəfli inkişafı üçün dövlət tərəfindən formalaşdırılmış
əlverişli şərait, eləcə də bankın peşəkar komandası və
müştərilərimizin və tərəfdaşlarımızın etimadı sayəsində mümkün
olub. Gələcəkdə Bank Respublika innovativ həllərin tətbiqi və
müştərilərə yüksək keyfiyyətli xidmətin təmin edilməsi
istiqamətində fəaliyyətini davam etdirərək maliyyə sektorunda lider
mövqelərini daha da möhkəmləndirəcək”, — deyə “Bank
Respublika”nın Müşahidə Şurasının sədri Şakir Rəhimov, qeyd
edib.
