Bakı. Trend:
ABŞ-nin Missisipi ştatının Kley bölgəsində “West Point”
qəsəbəsində baş verən bir-biri ilə əlaqəli silahlı hücumlar
nəticəsində 6 nəfər həyatını itirib.
Trend xarici
KİV-ə istinadən xəbər verir ki, hadisə ilə bağlı bir şübhəli şəxs
həbs edilib.
Kley Şerifi Eddia Skot, sosial mediada etdiyi açıqlamada, “West
Point”də “günahsız həyatların” itirildiyini bildirərək faciənin şok
effekti yaratdığını vurğulayıb. Şerif yerli televiziyaya verdiyi
açıqlamada, hücumların 3 ayrı ünvanda həyata keçirildiyini və
nəticədə 6 nəfərin öldüyünü qeyd edib.
İnsidentlərin bir-birinə bağlı olduğunu təsdiqləyən Şerif,
hücumlarla əlaqəli olaraq bir şübhəlini saxladıqlarını söyləyib.
Hadisə ilə əlaqədar genişmiqyaslı araşdırma başlanılıb.
Bu faciə, ABŞ-da silahlı hücumların artdığı bir dövrdə bir daha
silah nəzarəti və təhlükəsizlik məsələlərini gündəmə gətirib.
Hadisə ilə bağlı əlavə məlumatlar və inkişaflar gözlənilir.
