Bakı. Trend:
Əbu-Dabidə Ukrayna, Rusiya və ABŞ arasında üçtərəfli danışıqlar
başa çatıb.
Trend xarici
KİV-ə istinadən xəbər verir ki, Rusiya nümayəndə heyəti qaldıqları
hotelə qayıdıb.
Hələlik danışıqların nəticəsi barədə məlumat verilməyib.
Qeyd edək ki, danışıqlarda Rusiya, ABŞ və Ukrayna nümayəndə
heyətləri iştirak edib.
16:43
xxx
Əbu-Dabidə Ukraynada müharibənin nizamlanması ilə bağlı
danışıqların ikinci günü keçirilir.
Trend xarici
KİV-ə istinadən xəbər verir ki, nümayəndə heyətləri eyni vaxtda bir
neçə sülh sənədini müzakirə edirlər.
Məlumata görə, Əbu-Dabidəki danışıqlar qrupları Ukraynada sülhə
dair o cümlədən ərazi məsələləri və təhlükəsizlik təminatları ilə
bağlı bir neçə sənəd layihəsini paralel şəkildə nəzərdən keçirir və
müzakirə edir.
Qeyd edək ki, yanvarın 23-də Birləşmiş Ərəb Əmirliklərinin
paytaxtında Əbu-Dabidə Rusiya, ABŞ və Ukrayna arasında
təhlükəsizlik məsələləri üzrə üçtərəfli işçi qrupunun ilk görüşü
keçirilib. Danışıqlarda həm Moskva, həm də Kiyev üçün Donbas
bölgəsinin mənsubiyyəti məsələsi prinsipial əhəmiyyət daşıyır.
