Bakı. Trend:
Alimlər Çinin “Chang’e‑6” missiyası ilə Ayın “qaranlıq
tərəfindən” gətirilmiş torpaq və qaya nümunələrində mikrometr
ölçülü hematit (α‑Fe₂O₃) və maqemit (γ‑Fe₂O₃) kristallarını aşkar
ediblər.
Trend xarici KİV-ə istinadən xəbər verir ki, bu kəşf “Ayda
oksidləşmə” prosesinin yeni mexanizmini ortaya qoyur.
Tədqiqatçılar hesab edirlər ki, bu oksidlər böyük asteroid
təsirlərindən yaranan müvəqqəti yüksək-oksigenli mühitlərdə əmələ
gəlib.
Bu proses Ayın “South Pole‑Aitken” (SPA) hövzəsindəki maqnit
anomaliyalarının mənşəyini izah etmək üçün mühüm elmi sübut təqdim
edir.
Tədqiqat “Science Advances” jurnalında dərc olunub.
