Türkiyə Prezidenti Rəcəb Tayyib Ərdoğan İsrail Prezidenti İshak Hersoqla və Fələstin lideri Mahmud Abbasla telefon danışığı zamanı bölgədəki gərginliyi müzakirə edib.
Bu barədə Türkiyə Prezidenti Administrasiyası məlumat yayıb.
Ərdoğan sağlam düşüncə ilə hərəkət etməyin, bölgədə ən qısa zamanda əmin-amanlığın bərqərar olmasının vacibliyini qeyd edib.
“Bu, bütün regionun rifahı üçün böyük əhəmiyyət kəsb edir. Türkiyə bölgədə narahatlıq doğuran münaqişələrə son qoyulması və daimi sülhün təmin edilməsi istiqamətində səylərini daha da artıracaq”, – Ərdoğan bildirib.
www.RESMIXEBER.az
