Məşhur “WhatsApp” mesencerinin tərtibatçıları bir cihazdan eyni anda bir neçə hesaba qoşulma imkanı əlavə etməyi planlaşdırırlar.
Yenilik “Android” cihazları üçün “beta” 2.23.13.5 versiyasında görünüb.
Bildirilir ki, bu funksiya birdən çox hesabı idarə etməyi asanlaşdıracaq.
Yeni funksiya sayəsində mesencer istifadəçiləri bir cihazda iki və ya daha çox hesaba daxil ola biləcəklər. Bunu etmək üçün proqramda bir menyu görünəcək, üzərinə klikləməklə istənilən profili seçmək olur.
Yeni funksiyanın mesencerin bütün istifadəçiləri üçün nə vaxt əlçatan olacağı barədə məlumat verilmir.
Mənbə: WABetaInfo
www.RESMIXEBER.az
