Bakı. Trend:
İstanbul məhkəməsi Denizbankın keçmiş filial direktoru Seçil
Erzanı fırıldaqçılıq və dələduzluqda ittiham edərək 102 il 4 ay
həbs cəzasına məhkum edib. O, həmçinin 178 min dollar cərimə
olunub.
Trend-in
məlumatına görə, bu barədə “NTV” telelviziya kanalı xəbər
verib.
Məhkəmə Seçilin yaratdığı fondun yüksək mənfəət adı altında 41
nəfəri aldatdığını müəyyən edib. Fondun investorları arasında
məşqçilər və futbolçular Fatih Terim, Arda Turan, Emre Belözoğlu,
Fernando Muslera və başqaları olub.
Qeyd edə ki, S.Erzan 2023-cü ilin aprel ayından bəri həbsdədir.
O, əvvəlcə 40 milyon dollar və 20 milyon türk lirəsi (cari məzənnə
ilə 470 min dollar) məbləğində dələduzluqda ittiham olunurdu.
Prokurorlar dələduzluq ittihamları ilə 109 ildən 358 ilə qədər həbs
cəzası tələb edib.
