Zahid Oruc Azərbaycana qarşı şəbəkələrin adlarını çəkdi, Paşinyanı Bakıya dəvət etdi

Siyasət




“Qələbəmizə qarşı BMT-dən başlayan sanksiya planları iflasa uğrayandan sonra indi Amerika Konqresində ölkəmizin seçilmiş adamlarına qarşı cəza layihəsi işə salınıb. Araşdırmalar göstərir ki, sənədi ilk dəfə hazırlayan Konqresin “Tom Lantos İnsan Hüquqları Komitəsi”, habelə Tom Lantos Fondu eynilə 1992-ci ildə 907-ci düzəlişin də təşəbbüskarları və müəllifləridir”.

resmixeber.az-ın məlumatına əsasən, bunu Milli Məclisin iclasında İnsan hüquqları komitəsinin sədri Zahid Oruc deyib.

O bildirib ki, üstündən 32 il keçməsinə baxmayaraq, Lantoslar ailəsinin əli ilə dünya erməniçiliyi ölkəmizə qarşı siyasi şantaja əl atır.

“Argentinanın ən varlı adamı, “aeroport maqnatı” kimi tanınan Eduardo Ernekyanın sədrlik etdiyi Raul Vallenberq adına İnsan haqları İnstitutu, eyni adlı fond da hörümçək toru qurub. Onlar sanksiyaları təşviq edir, qlobal hüquq və ədalət strukturlarında mütəşəkkil dəstə, “beynəlxalq hüquq mafiyası” kimi gecə-gündüz əleyhimizə işləyirlər”.

“Onların əlləri çatsa, təkcə Vətən müharibəsinin qəhrəmanlarına qarşı deyil,  bütün xüsusi təyinatlılarımıza, komandolara, hər bir şəhidimizə, bir sözlə bütün Azərbaycan ordusuna qarşı hərbi hökmlər çıxararlar. Xalqımızın müqəddəs simvoluna çevrilən 44 rəqəmini ləkələmək üçün “44 Azərbaycan rəsmisi” ifadəsinin seçilməsi də sübut edir ki, 8 noyabr Zəfəri təkcə bir ölkə üzərində  qazanılmayıb”, – deyə Zahid Oruc əlavə edib.

Deputat qeyd edib ki, ABŞ Konqresi və Fransa Senatı ilə müqayisədə Ermənistan parlamenti sülh göyərçini kimi görünür.

Gürcü Arzusu Partiyasının lideri Bidzina İvanişvili haqlı olaraq, onları “qlobal müharibə partiyası” adlandırır. Bizə xarici siyasət kursumuzu dəyişməyi, Ağ Evin və Brüsselin təsir agentlərinə çevirdikləri qeyri-hökumət təşkilatlarına rəsmi hakimiyyət verməyi tələb edirlər.

Bu il aprelin 24-də Cozef Baydenin “artsax” kəlməsini işlətməməsi və Xankəndidə “etnik təmizləmə” iddiasına “sıfır reaksiyası “sənəd”i heç bir hüquqi əsası olmayan “erməni aktı”na çevirir”.

Zahid Oruc qeyd edib ki, Azərbaycan dövlətinin sanksiya hədələrinə cavabı Böyük qayıdışı gücləndirməsi, delimitasiyanı addım-addım irəliyə aparması, regionda sülhü qazanmasıdır.

O, bununla yanaşı Ermənistanın baş naziri Nikol Paşinyanın da Bakıya dəvət olunmasını təklif edib.  

“Biz qardaş Türkiyə ilə hərbi-siyasi ittifaqı möhkəmləndiririk, region dövlətləri ilə konfrontasiyaya getmirik. Bunun özü çox gözəl cavabdır. Nəhayət, torpaqlarımızın işağlına dəstək verən konqresmenləri – hamısını qara siyahıda dünyaya sülhün düşmənləri kimi göstərmək sanksiya məsələlərinə yaxşı cavab olar. Baş nazir Paşinyanı Bakıya dəvət etmək də olar. Bununla məğlubların, siyasi düşmənlərimizin və sanksiyaçıların Azərbayacana yolu birdəfəlik bağlanmalıdır”, – deyə Zahid Oruc fikrini yekunlaşdırıb.

www.RESMIXEBER.az

Spread the love

Bir yanıt yazın

E-posta adresiniz yayınlanmayacak. Gerekli alanlar * ile işaretlenmişlerdir