Kino ilə bağlı iki ittifaq bu gündən eyni ofisdə fəaliyyətə başlayır

Mədəniyyət


Azərbaycan Kinematoqrafçılar İttifaqı (AKİ) bu gündən etibarən Azərbaycan Respublikası Kinematoqrafçılar İttifaqının (ARKİ) ofisində fəaliyyət göstərəcək.

Bu barədə resmixeber.az-nın sorğusuna cavab olaraq, AKİ katibliyindən bildirilib.

Qeyd olunub ki, bu, ittifaqların birləşməsi istiqamətində atılan növbəti addımdır:

“Birgə işçi qrup hər iki təşkilatın ümumi iclasının gündəliyi üzərində işləyir”.

Katiblikdən vurğulanıb ki, ARKİ sədri Şəfiqə Məmmədova AKİ heyətini böyük qonaqpərvərlik və diqqətlə qarşılayıb, heyət üçün komfortlu iş şəraiti yaradılıb:

“Bu gündən etibarən istehsal ediləcək layihələr və tədbirlər AKİ və ARKİ-nin birgə istehsalı kimi təqdim ediləcək”.

Xatırladaq ki, bu ilin 26 iyulunda AKİ və ARKİ birləşəcəkləri barədə birgə bəyanat yayıblar.

Qeyd edək ki, Azərbaycan Respublikası Kinematoqrafçılar İttifaqı 2012-ci ildə yaradılıb və ittifaqın idarə heyətinin hazırkı sədri Xalq artisti Şəfiqə Məmmədovadır. Azərbaycan Kinematoqrafçılar İttifaqı isə 1963-cü ildən fəaliyyət göstərir, ittifaqın idarə heyətinin hazırkı sədri Xalq artisti Rasim Balayevdir.

www.RESMIXEBER.az

Spread the love

Bir yanıt yazın

E-posta adresiniz yayınlanmayacak. Gerekli alanlar * ile işaretlenmişlerdir