Bu ilin aprel ayından başlayaraq Cəbrayıl şəhərinin inzibati ərazisində, 7,87 hektar ərazidə inşa edilən yaşayış kompleksi altı məhəllədən – 33 binadan ibarət olacaq.
“resmixeber.az” xəbər verir ki, bu barədə bu gün şəhərə təşkil olunmuş mediaturda bildirilib.
Məlumata görə, binalar dörd-beş mərtəbəli, ümumilikdə 712 mənzilli olacaq. Mənzillərdən səkkizinin birotaqlı, 136-sının ikiotaqlı, səkkizinin iki-üç otaqdan ibarət studiya tipli, 392-nin üçotaqlı, 168-nin isə dördotaqlı olması nəzərdə tutulub.
Tikinti işləri başa çatdıqdan sonra bu binalarda 2 158 sakinin məskunlaşdırılması nəzərdə tutulur.
www.RESMIXEBER.az
