Bakı. Trend:
Avstraliyada uşaqlar üçün sosial media qadağası faktiki olaraq
təsirsizdir.
Xarici media yazır ki, hakimiyyət orqanları bunu sərtləşdirmək
istəyirlər. 2026-cı ilin əvvəlindən qüvvədə olan qanun 16 yaşdan
kiçik istifadəçilərin platformalara girişini qadağan edir.
Qadağaya baxmayaraq, yeniyetmələrin əksəriyyəti bu
platformalardan istifadə etməyə davam edir. Şirkətlərin özləri
tərəfindən tətbiq edilən yaş təsdiqləmə mexanizmlərindən asanlıqla
yayınmaq mümkündür. Bir çox hallarda uşaqlardan yaşlarını sübut
etmələri belə istənilmir. İndi hökumət sosial media şirkətlərinə
qarşı hüquqi tədbirlər hazırlayır.
Baş nazir Entoni Albanese bildirib ki, qanunlar o qədər
sərtləşdirilməlidir ki, onlara qarşı çıxmaq üçün edilən hər hansı
bir cəhd uğursuz olsun. Prioritetlərdən biri tənzimləyicilərə əlavə
səlahiyyətlər verməkdir.
