Bakı.Trend:
ABŞ-nin Müharibə naziri Pit Heqset ABŞ ordusunun İrana İkinci
Dünya müharibəsindən bəri misli-görülməmiş miqyasda zərbələr
endirməyə hazır olduğunu bildirib.
“O silahlar doldurulub və istifadəyə hazırdır”, – deyə
Pentaqonun rəhbəri “X” sosial şəbəkəsində paylaşım edib.
Bundan əvvəl ABŞ Prezidenti Donald Tramp İranla sülh sazişinin
bağlanması üzrə danışıqların başlanacağını açıqlamışdı. O, həmçinin
Tehranla razılıq əldə etmək naminə İslam Respublikasına
planlaşdırılan genişmiqyaslı zərbələri təxirə salmağa razılaşdığını
bildirmişdi.
Trampın sözlərinə görə, İran və Yaxın Şərqin bir sıra ölkələri
Vaşinqtona müraciət edərək hücumlardan çəkinməyi xahiş ediblər,
çünki tərəflər gələcək sazişin əsas müddəalarını artıq
müəyyənləşdiriblər.
ABŞ Prezidenti qeyd edib ki, saziş Hörmüz boğazının dərhal
açılmasını və İranın nüvə təhlükəsinin aradan qaldırılmasını
nəzərdə tutmalıdır.
