Bu ilin iyul ayının biri vəziyyətinə ölkədə iribuynuzlu mal-qaranın sayı 2 milyon 431,4 min baş olub.
Modern.az Dövlət Statistika Komitəsinə istinadən xəbər verir ki, bu, ötən ilin eyni dövrü ilə müqayisədə 22,4 min baş və ya 0,9% azdır.
İribuynuzlu mal-qaranın 1 milyon 211 min başı inək və camışlar olub. Bu da, illik müqayisədə 9,2 min baş və ya 0,8% daha azdır.
Hesabat dövründə ölkədəki qoyun və keçilərin sayı 6 milyon 850,6 min baş olub. Ötən ilin iyul ayının biri vəziyyətinə bu rəqəm 6 milyon 886,5 min idi. Beləliklə, illik azalma 35,9 min baş və ya 0,5% olub.
Bundan başqa, ölkədəki donuzların sayı da 79 baş (2,3%) azalaraq 3 min 298 başa düşüb.
(FED)
