İranın müdafiə naziri Əziz Nəsirzadənin Azərbaycana səfəri və təhlükəsizlik məsələləri üzrə məsləhətləşmələrin keçirilməsi Tehranın qonşuları ilə etimad və əməkdaşlığı möhkəmləndirmək qətiyyətindən xəbər verir.
“Report” “Mehr” agentliyinə istinadən xəbər verir ki, bunu İran Xarici İşlər Nazirliyinin rəsmisi İsmayıl Bəqai bildirib.
Onun sözlərinə görə, Cənubi Qafqaz Tehran üçün xüsusi əhəmiyyət daşıyır, regionda sülh isə İranın təhlükəsizliyi üçün vacibdir.
Bəqai əlavə edib ki, ölkənin müdafiə nazirinin səfəri İranın xarici işlər naziri Abbas Əraqçinin bir müddət əvvəl Bakıya baş tutmuş səfərinin davamı olub.
Ən son xəbərləri bizim “Instagram” səhifəmizdə izləyin
