Bakı. Trend:
ABŞ prezidenti Donald Tramp Suriyaya kömək etməyə sadiq olduğunu
bildirib.
Trend-in məlumatına görə, bu barədə D.Tramp Suriya prezidenti
Əhməd əl-Şara ilə görüşdən sonra Ağ Evdə jurnalistlərə
bildirib.
“Biz Suriyanın uğurlu bir ölkəyə çevrilməsinə kömək etməyə
hazırıq”, – deyə o qeyd edib.
Trampın sözlərinə görə, Suriyanın hazırkı lideri “ölkəsini
çiçəkləndirməyə qadirdir”. “Düşünürəm ki, bu lider bunu edə bilər”,
– deyə ABŞ prezidenti qeyd edib.
