Ukrayna PUA-ları Krımda Rusiyanın hərbi obyektini bombalayıb.
Metbuat.az xəbər verir ki, PUA-lar Rusiyanın S-400 sisteminin radarlarını sıradan çıxarıb. Məlumata görə, hücumdan sonra Rusiyanın Krımda yerləşdirmiş S-400 hava hücumundan müdafiə sistemlərinin müşahidə və hədəf alma imkanları sıradan çıxıb. Məlumata görə, hərbi əməliyyatı Ukraynanın Xüsusi Əməliyyat Qüvvələri həyata keçirib.
Ukrayna tərəfinin açıqlamasında, “Əsasən silahlı PUA-lara qarşı istifadə edilən bahalı hava hücumundan müdafiə sistemi Ukrayna Xüsusi Əməliyyat Qüvvələrinin hücum PUA-ları tərəfindən zərərsizləşdirilib. Radar stansiyası S-400 “Triumf” sisteminin əsasını təşkil edir. Müşahidə və hədəfləmə olmadan bütün sistem döyüş qabiliyyətini itirir” – deyə bildirilib.
