Bolqarıstanda döyüş sursatı istehsal edən Vazovski maşınqayırma zavodunda partlayış baş verib.
Bu barədə Bolqarıstan Milli Televiziyası polisə istinadən məlumat yayıb.
Məlumata görə, müəssisədə partlayıcılarla işləyərkən partlayış baş verib, nəticədə iki nəfər xəsarət alıb, onlardan biri, 33 yaşlı kişi xəstəxanaya aparılarkən yolda dünyasını dəyişib.
Qeyd edək ki, hadisə müəssisənin digər işçiləri üçün təhlükə yaratmayıb. Hadisənin başvermə şəraiti ilə bağlı araşdırmalar davam edir.
Mənbə: TASS
www.RESMIXEBER.az
