Bakı. Trend:
ABŞ və Yaponiya hökumətləri Yaponiya ərazisində birgə neft
ehtiyatlarının yaradılmasını müzakirə edirlər ki, bu ehtiyatlar
Amerika yataqlarından gələn tədarüklə doldurulacaq.
Trend-in
məlumatına görə, bu barədə “Yomiuri” qəzeti xəbər verib.
Məlumata əsasən, belə bir razılaşma Yaponiyanın Baş naziri Sanae
Takaiçi ilə ABŞ prezidenti Donald Tramp arasında martın 19-da
Vaşinqtonda keçiriləcək görüş zamanı elan edilə bilər.
Bu məlumatlara əsasən, layihə Tokionun əvvəllər ABŞ-a
yatıracağına söz verdiyi 550 milyard dollarlıq investisiya hesabına
maliyyələşdiriləcək. Birgə neft ehtiyatlarının yaradılmasına
Yaponiya investisiyalarının həcminin gələcək məsləhətləşmələr
zamanı razılaşdırılması planlaşdırılır.
