Bakı. Trend:
Polşanın Baş naziri Donald Tusk ölkədə davam edən güclü qar
yağışı səbəbindən böhranın idarə olunması üzrə iclas çağırıb.
Trend xəbər verir
ki, bu barədə Tusk sosial media hesabında paylaşım edib.
Baş nazir bildirib ki, agentliklərdən və nazirlərdən yollar,
dəmir yolları, hava limanları və şiddətli hava şəraiti səbəbindən
risk altında olan ərazilərdə vəziyyətlə bağlı mütəmadi yeniliklər
alır. Saat 16:00-da təşkil olunacaq böhran idarəetmə iclasında
iştirak edəcəyini vurğulayıb.
Polşanın demək olar ki, bütün ərazisində bir neçə gündür ki,
güclü qar yağışı, aşağı temperatur və güclü küləklər müşahidə
olunur.
