Azərbaycan və Türkiyə arasında imzalanmış Preferensial Ticarət Sazişinin əhatə dairəsi genişləndirilə bilər.
“Report” xəbər verir ki, bunu Türkiyənin Azərbaycandakı Səfirliyinin baş ticarət müşaviri Gülsərən Yavaş Bakıda keçirilən “Türkiyə bazarına çıxış: İxrac, hüquqi və praktiki aspektlər” mövzusunda tədbirdə bildirib.
Onun sözlərinə görə, əgər indiyə qədər saziş 30 malın preferensial ticarət rejimi idxal-ixracını nəzərdə tutursa, hazırda siyahının 50 mala qədər genişləndirilməsi nəzərdə tutulur.
“Hazırda siyahıda əsasən Azərbaycanın kənd təsərrüfatı, Türkiyənin isə sənaye məhsulları var”, – deyə səfirlik rəsmisi əlavə edib.
Ən son xəbərləri bizim Telegram kanalımızda izləyin
