Bakı. Trend:
Filippində baş verən “Kalmaeqi” tayfunu nəticəsində ölənlərin
sayı 188-dən 224-ə yüksəlib, 109 nəfər isə də itkin düşüb.
Trend-in məlumatına görə, bu barədə “GMA News” televiziya kanalı
ölkənin Mülki Müdafiə İdarəsinə istinadən xəbər verib.
Şiddətli yağışların şəhər küçələrini su basdığı Sebu adasında
158 nəfərin öldüyü təsdiqlənib. Ölkədə ümumilikdə 526 nəfər
yaralanıb, yüz minlərlə insan evlərini tərk etmək məcburiyyətində
qalıb.
53 yaşayış məntəqəsində fövqəladə vəziyyət elan edilib.
