İspaniyanın baş naziri Pedro Sançez İsrail hökumətini Qəzzaya yaxınlaşan mülki donanmaya təhlükə yaratmamağa çağırıb.
Metbuat.az xəbər verir ki, o, “Qlobal Sumud” donanmasının humanitar missiya olduğunu bəyan edib. Pedro Sançez “500-dən çox adamdan danışırıq. Bu insanlar heç vaxt İsrail üçün heç bir təhlükə və təhdid yaratmayıblar. Ona görə də ümid edirəm ki, Netanyahu hökuməti bu donanmaya heç bir təhlükə yaratmayacaq” – deyə bildirib. Sançes, xilasetmə və humanitar yardım üçün bölgəyə bir İspan freqatını göndərdiklərini və donanmanın ispan üzvlərini diplomatik baxımdan müdafiə edəcəklərini qeyd edib.
O əlavə edib ki, İsrail hökuməti BMT-nin koordinasiya etdiyi humanitar yardımın Qəzzaya daxil olmasına icazə versəydi, bu missiya baş tutmazdı.
