Bakı. Trend:
Meksikanın Aşağı Kaliforniya ştatının Tixuana şəhərindəki
prokurorluq binasına partlayıcı qurğularla silahlanmış pilotsuz
təyyarələr tərəfindən hücum edilib.
Trend xəbər verir
ki, bu barədə Dövlət Baş Prokurorluğuna istinadən “Milenio” nəşri
məlumat yayıb.
Departamentin məlumatına görə, hadisə oktyabrın 15-də axşam
saatlarında Playas de Tixuana ərazisində baş verib. Partlayışlar
zamanı prokurorluğun binasına və bir neçə xidməti və şəxsi
avtomobilə ziyan dəyib. Ölən və yaralanan olmayıb.
Müstəntiqlər hadisə yerində pilotsuz təyyarələr tərəfindən
atıldığı güman edilən partlayıcı qurğuların parçaları tapıblar.
Səlahiyyətlilər fövqəladə hallara cavab protokollarını işə salıb və
cavabdehlərin müəyyən edilməsi üçün araşdırma aparır.
Baş Prokurorluq vurğulayıb ki, hadisə zamanı onların öz
dronlarından istifadə olunmayıb və əməkdaşlar nəzarət altında
olublar.
