Belarus prezidenti Aleksandr Lukaşenko bildirib ki, onunla danışıqlar zamanı “Vaqner”in təsisçisi Yevgeni Priqojin öz tələblərindən, o cümlədən Rusiyanın müdafiə naziri Sergey Şoyqunun istefasından imtina edib.
“O, mənə dedi ki, Aleksandr Qriqoryeviç, mən prezidentdən tələb etməyəcəyəm ki, Şoyqunu və Qerasimovu versin, hətta görüş də istəməyəcəyəm. Mən də dedim ki, lap əla. Bu, çox yaxşı bir hərəkətdir. Belə halda vəziyyəti gərginləşdirərək, qeyri-mümkün olanı tələb etmək lazım deyil”, – Lukaşenko bəyan edib.
Dövlət başçısının sözlərinə görə, o, Priqojindən Federal Təhlükəsizlik Xidmətinin (FSB” direktoru Aleksandr Bortnikovla əlaqə saxlamağı xahiş edib və sonuncuya da tapşırıb ki, Priqojin zəng edərsə, telefonu açsın.
Mənbə: TASS
www.RESMIXEBER.az
