Bakı. Trend:
İnformasiya texnologiyalarında baş verən böyük kəsinti
səbəbindən “Alaska Airlines” və “Horizon Air” bütün uçuşlarını
müvəqqəti dayandırıb.
Trend xəbər verir
ki, oktyabrın 23-də Sakit okean vaxtı ilə təxminən 15:30-da məlumat
mərkəzində fasilə yaranıb.
Uçuşlar 8 saat sonra bərpa olunub. Hadisə nəticəsində hava
yolları 360-dan çox reysi ləğv etmək məcburiyyətində qalıb.
Şirkət bildirib ki, bu kəsinti kiberhücumla bağlı olmayıb.
Sərnişinlərə uçuşların vəziyyətini yoxlamaq tövsiyə olunub.
“Alaska Airlines” yaranan narahatlığa görə üzr istəyib və
səyahət planları pozulan sərnişinlərə kömək məqsədilə çevik səyahət
siyasəti tətbiq edib.
