Rusiyanın İrkutsk vilayətində Tu-22M3 bombardmançı təyyarəsi planlı təlim uçuşu zamanı qəzaya uğrayıb.
APA xəbər verir ki, bu barədə Rusiya Müdafiə Nazirliyi məlumat yayıb.
Bildirilib ki, ekipaj katapult etməyə imkan tapıb, pilotların həyat və sağlamlığı üçün təhlükə yoxdur.
Nazirlikdən qeyd olunub ki, təyyarə sursatsız uçuş həyata keçirib.
Qəza nəticəsində yerdə dağıntı qeydə alınmayıb.
