Bakı. Trend:
ABŞ ilk dəfə olaraq Səudiyyə Ərəbistanına beşinci nəsil F-35
qırıcı təyyarələrinin satışını həyata keçirməyi nəzərdə tutur.
Trend xəbər verir ki, bu
barədə ABŞ Prezidenti Donald Tramp Mayamidə keçirilən investisiya
forumunda çıxışı zamanı bildirib.
Onun sözlərinə görə, Vaşinqton krallığı NATO-dan kənar əsas
müttəfiq kimi tanıyıb və bu çərçivədə silah satışına razılıq
verilib.
“İlk dəfə Səudiyyə Ərəbistanına F-35 qırıcılarının satışı ilə
bağlı razılıq əldə etmişik. Bu təyyarələr son dərəcə güclüdür və
biz onları çox məhdud sayda təqdim edirik”, – deyə Tramp
vurğulayıb.
