Bundesliqanın 21-ci turuna “Bavariya”- “Hoffenhaym” oyunu ilə yekun vurulub.
Metbuat.az xəbər verir ki, görüşdə Münxen təmsilçisi böyük hesablı qələbə qazanıb – 5:1. Bununla da “Hoffenhaym”ın beş oyunluq qələbə seriyası başa çatıb.
Qarşılaşmanın 17-ci dəqiqəsində “Hoffenhaym”ın müdafiəçisi Kevin Akpoqumanın qırmızı vərəqə alması matçın taleyini həll edib. “Bavariya”nın hücumçusu Harri Keyn matçın 20-ci və 45-ci dəqiqələrində 11 metrlik cərimə zərbələrini dəqiq yerinə yetirib. Münxenlilərin heyətində digər qollarını Luis Diaz vurub. O, görüşün 45+2-ci, 62-ci və 89-cu dəqiqələrində fərqlənərək het-trik edib.
“Hoffenhaym”ın təsəlli qolunu isə 35-ci dəqiqədə Andrey Kramariç vurub.
Günün digər oyununda “Leyptsiq” səfərdə “Köln”ü məğlub edib – 2:1.
Bundesliqanın 21-ci turunun digər oyunlarında aşağıdakı nəticələr qeydə alınıb:
“Union Berlin” – “Ayntraxt Frankfurt” – 1:1
“Frayburq” – “Verder Bremen” – 1:0
“Maynts” – “Auqsburq” – 2:0
“Volfsburq” – “Borussiya Dortmund” – 1:2
“St Pauli” – “Ştutqart” – 2:1
“Haydenhaym” – Hamburq” – 0:2
“Borussiya Mönxenqladbax” – “Bayer Leverkuzen” – 1:1.
İyirmi bir turdan sonra Bundesliqaya 54 xalla “Bavariya” liderlik edir. “Borussiya Dortmund” 48 xalla ikinci, “Hoffenhaym” 42 xalla üçüncü yerdə qərarlaşıb.
