“Mədəniyyət haqqında yeni qanun qəbul olunmalıdır”.
Modern.az xəbər verir ki, bunu Mədəniyyət Nazirliyinin tabeliyində fəaliyyət göstərən Azərbaycan Respublikası Kino Agentliyinə (ARKA) baş direktoru Rəşad Əzizov “Azərbaycan mədəniyyəti – 2040” Mədəniyyət Konsepsiyasının media üçün təqdimatında deyib.
“Bu qanunda yüksək mədəniyyətli azərbaycanlıya iyirmi birinci əsrin ən vacib hadisəsi kimi, məqsədi kimi kapitalı kimi ortaya qoyulmalıdır. Mütləq əvvəldən bu qanunda mədəniyyətin yeni missiyası, yeni anlayışı, bu mədəniyyətin faktiki olaraq yayılması üçün cəmiyyətdə sistemli kulturoloji təfəkkürün formalaşması üçün mütləq icbari kulturoloji maarif olmalıdır”, – o deyib.
