Bakıl. Trend:
Amerika şirkəti Vulcan Elements tam milli, şaquli inteqrasiya
olunmuş nadir torpaq maqnit təchizat zənciri yaratmaq məqsədilə ABŞ
hökuməti ilə 1,4 milyard dollarlıq tərəfdaşlıq elan edib.
Trend xəbər verir
ki, bu barədə şirkətin mətbuat açıqlamasında məlumat verilib.
Tərəfdaşlıq çərçivəsində Vulcan Elements ABŞ-da ildə 10 min
metrik ton maqnit istehsal etmək gücünə malik müəssisə inşa edəcək.
Layihənin maliyyələşdirilməsinə Pentaqondan 620 milyon dollarlıq
birbaşa kredit, Ticarət Departamentindən 50 milyon dollarlıq
federal təşviqlər və əlavə 550 milyon dollarlıq özəl kapital
daxildir. Bundan əlavə, Ticarət Nazirliyi şirkətdə 50 milyon
dollarlıq pay əldə edəcək.
ABŞ-ın Ticarət katibi Hovard Latnik bildirib ki, “Biz vacib
mineralların və nadir torpaq elementlərinin istehsalını ölkəmizə
qaytarmağa, Amerika təchizat zəncirinin gücünü, təhlükəsizliyini və
etibarlılığını təmin etməyə diqqət yetiririk”.
