Bakı.Trend:
ABŞ-nin BMT-dəki daimi nümayəndəsi Mayk Uolts, Suriyaya qarşı
tətbiq edilən sanksiyaların daha da yumşaldılmasının vacib olduğunu
bildirib və BMT Təhlükəsizlik Şurasına çağırış edib.
Trend bu barədə
xarici KİV-ə istinadən xəbər verir.
Uolts çıxışında deyib ki, ABŞ Prezidenti Donald Tramp-ın
mesajları bu istiqamətdə fürsətlər yarada bilər və buna
əsaslanaraq, bəzi sanksiyaların aradan qaldırılması da daxil
olmaqla yumşaltma tədbirləri mümkündür.
ABŞ-nin daimi nümayəndəsi BMT Təhlükəsizlik Şurası üzvlərini
aşağıdakıları etməyə çağırıb:
1267 saylı qərar çərçivəsində sanksiyalara məruz qalan bəzi
suriyalı liderlərə yönəlmiş tədbirlərin aradan qaldırılması da
daxil olmaqla, Suriyaya qarşı sanksiyaların yumşaldılması səylərinə
dəstək göstərilməsi.
Suriyanın qonşu ölkələri — Səudiyyə Ərəbistanı, Qatar, Türkiyə,
İordaniya və s. — tərəfindən bu ölkənin institutları və
iqtisadiyyatı üçün göstərilən dəstək təşəbbüslərinə müsbət
yanaşılması.
