İsrailin Baş naziri Benyamin Netanyahu və Fələstin Prezidenti Mahmud Abbas Qəzza sektorunda atəşkəs elan edilməsi münasibətilə təşkil olunan Sülh Sammitində iştirak etmək üçün Şarm əl-Şeyxə gələcəklər.
Modern.az xəbər verir ki, bu barədə Misir Prezidenti Əbdülfəttah əs-Sisinin ofisi məlumat yayıb.
“Fələstin Prezidenti Mahmud Abbas və İsrailin Baş naziri Benyamin Netanyahu Sülh Sammitində iştirak edəcəklər. Onların iştirakı Qəzzada müharibənin dayandırılması ilə bağlı razılaşmanı möhkəmləndirəcək”, – deyə Prezident ofisinin sosial şəbəkədə dərc edilmiş bəyanatda bildirilir.
Benyamin Netanyahu Misir Prezidenti Əbdülfəttah əs-Sisi ilə telefon danışığı zamanı onu Sülh Sammitində iştirak edəcəyi barədə məlumatlandırıb.
İsrail mediası da öz növbəsində yazıb ki, Baş nazir ABŞ Prezidenti Donald Trampla birlikdə Şarm əl-Şeyx səfərinə qatıla bilər.
