HAMAS israilli girovların qalan hissəsini də azad edib.
APA AFP-ə istinadən xəbər verir ki, HAMAS 13 israilli girovu Beynəlxaql Qırmızı Xaç Komitəsinə təhvil verib.
Qeyd edək ki, bundan əvvəl 7 israilli girov azad edilmişdi.
***
10:31
HAMAS-ın azad etdiyi 7 israilli girov İsrail Müdafiə Qüvvələrinə (IDF) təhvil verilib.
APA xəbər verir ki, bu barədə İsrail Müdafiə Qüvvələri məlumat yayıb.
Qalan 13 girovun da bu gün azad ediləcəyi bildirilib.
***
09:31
HAMAS əsas mübadilə üçün qalan israilli girovların birinci qrupunu azad edib.
APA xəbər verir ki, bu barədə “Jerusalem Post” məlumat yayıb.
Bildirilib ki, HAMAS 7 girovu Beynəlxalq Qızıl Xaç Komitəsinə təhvil verib. Hazırda onlar İsrailə gedirlər. Onlar Matan Engerst, Alon Ohel, Eitan Mor, Gali və Ziv Berman, Omri Miran və Guy Gilboa-Dalaldır.
Azad edilmə mərasimi Xan Yunisdə baş tutub.
İsrail isə uzunmüddətli cəzaya məhkum edilmiş 250 fələstinlini, eləcə də 2023-cü il oktyabrın 7-dən bəri həbs olunan 1700-dən çox fələstinli məhbusu azad edəcək.
Qeyd edək ki, ötən gecə HAMAS-la İsrail arasında atəşkəs əldə olunub.
Atəşkəs razılaşmasına əsasən, İsrail qoşunlarının çıxarılmasını, anklava humanitar yardımın daşınmasını və israilli girovların fələstinli məhbuslarla dəyişdirilməsini nəzərdə tutur.
