Bakı. Trend:
ABŞ ordusu həm ekipajla, həm də ekipajsız uça bilən ilk “Black
Hawk” helikopteri ilə təchiz olunub.
Trend bu barədə
xarici KİV-ə istinadən xəbər verir.
Bu hadisə ənənəvi pilotlu uçuş aparatlarının artan təhdidlərlə
üzləşdiyi yüksək riskli zonalarda daha təhlükəsiz əməliyyatlara
keçidi simvolizə edir. “H-60Mx” indeksini alan yeni aparat ABŞ
Ordusunun Döyüş İmkanlarının İnkişafı Komandanlığının rəhbərliyi
altında intensiv sınaqlar mərhələsinə daxil olur.
“H-60Mx” tapşırıqların icrasının effektivliyini qoruyaraq
pilotlar üçün riski azaltmaq məqsədilə hazırlanıb. O missiyanın
tələblərindən asılı olaraq bortda ekipajla fəaliyyət göstərə,
yerdən uzaqdan idarə oluna və ya tam avtonom rejimdə işləyə
bilər.
