Bakı. Trend:
Nigeriyanın Kano ştatında baş verən yol qəzasında 30-dan çox
insan ölüb, çoxlu sayda insan yaralanıb.
Trend-in məlumatına görə, bu barədə “Daily Post” qəzeti ştatın
qubernatoru Abba Yusifə istinadən bildirib.
İlkin məlumatlara görə, Kvanar-Barde yaşayış məntəqəsi
yaxınlığında, Qudjunqu şəhərinə aparan magistral yolda sürücünün
diqqətsizliyi səbəbindən insanları daşıyan treyler qəzaya
düşüb.
Yaralılar tibbi yardım üçün ştatdakı xəstəxanalara
aparılıblar.
