Bakı. Trend:
İntibah dövrünün dahi sənətkarı Mikelancelo Buonarrotinin eskizi
“Christie’s” hərrac evində 27,2 milyon dollara satılıb.
Trend xəbər verir ki, bu
barədə hərrac evinin mətbuat xidməti məlumat yayıb.
Qırmızı tabaşirlə çəkilmiş və əvvəllər məlum olmayan bu eskizdə
Liviya Sibilinin sağ ayağı təsvir olunub. Lotun başlanğıc qiyməti
1,5–2 milyon dollar təşkil edib. Hərrac 45 dəqiqədən çox davam edib
və əsər anonim alıcı tərəfindən alınıb.
