ABŞ Prezidenti Donald Tramp suriyalı həmkarı Əhməd Əl Şaraa ilə möhtəşəm danışıqlar apardığını bildirib.
“Report” xəbər verir ki, bu barədə Tramp jurnalistlərlə söhbəti zamanı – Ayova ştatının De-Moyn şəhərinə işgüzar səfərə yola düşməzdən əvvəl bildirib.
“Mən Suriya Prezidenti ilə möhtəşəm söhbət apardım. Suriya və bu bölgə ilə bağlı hər şey çox yaxşı irəliləyir. Biz çox məmnunuq”, – Tramp qeyd edib.
Bundan əvvəl ABŞ-nin Türkiyədəki səfiri və Suriya üzrə xüsusi nümayəndəsi Tom Barrak bəyan etmişdi ki, Vaşinqton administrasiyası artıq “Suriya Demokratik Qüvvələri”nin (SDQ, PKK terror təşkilatının qolu – red.) İŞİD-lə mübarizədə əsas rol oynamalı olduğunu hesab etmir. Onun sözlərinə görə, ABŞ ölkədə hərbi mövcudluğunu uzun müddət davam etdirməyi nəzərdə tutmur.
Ən son xəbərləri bizim “Facebook” səhifəmizdə izləyin
